SOAL UAS : GNP 205/2016

PEMERINTAH KOTA SURAKARTA

DINAS PENDIDIKAN PEMUDA DAN OLAHRAGA

SEKOLAH MENENGAH KEJURUAN (SMK) NEGERI 5 SURAKARTA

UJIAN  SEKOLAH  TAHUN PELAJARAN 2015/2016

LEMBAR SOAL UTAMA

Mata Uji  :  Bahasa Jawa

Kelompok Program Studi Keahlian Kompetensi Keahlian

: : :

SMK Semua Program Studi Keahlian Semua Kompetensi Keahlian

Kelas Hari, tanggal W a k t u

: : :

XII (dua belas) Jum’at, 18-3-2016  (90 menit )

PETUNJUK UMUM: Isinen Identitasmu ana ing Lembar Wangsulan !

PETUNJUK KHUSUS:

A.       Pilihen wangsulan sing bener kanthi menehi tandha silang ( x ) ing huruf A, B, C, D, utawa E !

1. “Dhuh Gusti Pangeran Kang Gawe Urip, paringana kuwat. Wong cilik ongklak-angklik kok tegel-tegele diapusi. Wis bejamu Sri ... aja dadi ati,” Mbah Surip seleh.

Miturut pethilan cerkak ing ndhuwur, Mbah Surip mujudake paraga kang nduweni watak ....

A. julig                                                                         D. pasrah

B. culika                                                                      E. gampang nesu

C. kuwat

2. Ing Komplek Pemprop. DIY Kepatihan Ngayogyakarta dianakake “Festival Kembang” kang temane “Katakan dengan Bunga”. Mula komplek Kepatihan ana kembang manekawarna. Wiwit saka lawang gapura ngarep ing Dalan Malioboro nganti tekan Bangsal Kepatihan akeh modhel kekembangan kang dironce kanthi manekawarna lan jinis kembang. Acara iki diresmekake dening Gubernur DIY, Sri Sultan Hamengku Buwono X. Perangan pawarta ing dhuwur kang ora ana , yaiku ....

A. apa                                                                          D. ing endi

B. sapa                                                                         E. kepriye

C. kapan

3.  Prabu Pandhudewanata kagungan putra cacahe ana lima, mula sinebut pandhawa, dene  putra pangulu pandhawa iku jenenge .....

A. Nakula                                                                    D. Janaka

B. Puntadewa                                                               E. Werkudara

C. Sadewa

4.    Tembung mucuk eri kanggo nyandra perangan  ....

A. driji                                                                         D. mripat

B. irung                                                                                    E. idep

C. pipi

5.   Ing ngisor iki kang dadi titikane tembang macapat yaiku ....

A. nggunake basa kang lugu                                        D. basane cekak aos ora ngayawara

B. nggunakake basa Jawa kuna                                                E.  kalebu karangan gancaran

C. panulise nggunakake paugeran kang gumathok

6.   Guru wilangan lan guru lagune tembang Pocung yaiku ....

A. 12 u, 6a, 8 i, 12 a                                                    D. 12 a, 6 u, 8a, 12 i

B. 12 i, 6a, 8a, 12 u                                                     E. 6 u, 12a, 12 u, 8 i

C. 12 a, 6 u, 8 i, 12 a

7.  Kawilujengan, karaharjan, rahmat, saha berkahipun Gusti Kang Murbeng Dumadi mugi tansah kasarira dhumateng kita sedaya

Sajroning sesorah ukara ing dhuwur diarani .....

A. salam pambuka                                                       D. pengarep-arep                    

B. surasa basa                                                              E. salam panutup

C. wasana basa

       8.      Pratelan pidhato kang isine pambagyaharja yaiku ....

A. Wondene ancas ingkang kinandhut, mugi-mugi pahargyan punika saged dados pecuting lampah ing dinten-dinten samangke, ngandelaken tekad majengaken panggulawentah umumipun, ningkataken prestasi sekolah tuwin akhlakipun para siswa mliginipun.

B. Awrat anggen kula matur, jalaran badhe nilar guru saha adhik-adhik sedaya. Jalaran kawontenan kedah mekaten, pramila kanthi awrating manah kula sakanca nilaraken bapak ibu guru tuwin adhik-adhik.

C. Kula ngajak Panjenengan sedaya makempal ing papan punika, krenteging sedya boten sanes inggih punika nglempakaken redana sumbangan kangge mbiyantu para sedherek panjenengan lan kula ingkang nembe katempuh lindhu.

D. Pramila, ngembun saha ngemban  dhawuh wigatosing sedya keparenga ing samangke penganten kakung kula pasrahaken saha kula sumanggakaken katur Bapak saha Ibu R.M Sukarja Wiryaseputra, cundhuk kaliyan lampahipun upacara sarta ing salajengipun.

E. Bapak saha Ibu Sunarta Wirasumarta ngaturaken agenging panuwun, dene Panjenengan sampun kepareng paring pambiyantu ingkang awujud kawigatosan, bandha beya, iguh pratikel, tuwin ubarampe sanesipun, ingkang gemblengipun saged ngregengaken pepanggihan samangke punika.

9.    Crita rakyat iku nduweni unsur intrinsik. Dene unsur intrinsik kang nerangake lakuning crita saka awal nganti akhir diarani ....

A. alur                                                                              D. tema

B. latar                                                                              E. paraga

C. amanat

10. “Aja was kuwatir, Mbok! Aku kang bakal ngendheg pakartine Dewata Cengkar  kang kejem lan wengis kuwi. Ayo Patih, gawanen aku ngadhep Ratu Gustimu!”

Miturut pethilan teks crita rakyat kasebut watake Aji Saka yaiku ....

A. kendel                                                                          D. angkara murka

B. manut                                                                           E. kurang ngati-ati

C. setya marang gustine

11.   Pethilan crita rakyat ing ngisor iki kang kalebu latar papan yaiku .....

     A. “Sang Prabu iku senengane dhahar daging wong. Kahanane kawula tintrim, kabeh padha wedi.”

B. “Lagi sesasi madeg guru, wong-wong padha mlebu dadi siswane.”

C. “Ora Sengkeran. Tekaku ana omahmu kene aku mung saderma mestuti dhawuhe Ratu Gustiku.”

D. “Ananging kalorone ora bisa mangsuli awit wis pirang-pirang taun ora krungu kabar apa-apa.”

E. “Heh, Sembada!” “Piye kakang Dora?” “Yen kowe wangkot. Aja takon dosa bakal takrampungi sebab aku iki ngemban dhawuhe Gusti Aji Saka”. “Lho Aku ya ngemban dhawuh, sapa wae bakal takadhepi.”

12. Kanggo mengeti lelabuhane Dora lan Sembada. Aji Saka ngripta aksara Jawa. Ing antarane unine “padhajayanya” kang tegese ....

A. ana utusan                                                                    D. bareng mati

B. padha regejegan                                                                       E. padha digdayane

C. padha dadi bathang

13.  Cakepan tembang macapat pupuh Kinanthi iku dumadi saka ....

A. 1 gatra 6 pada

B. 1 pada 6 gatra

C. 1 pada 6 wanda

D. 1 gatra 6 wanda

E. 1 wanda 6 gatra

14. Tur kang nyulayani iku,

wus wruh yen kawruhe nempil,

nanging laire angalah,

katingala angemori,

Mung ngenaki tyasing liyan,

aywa esak aywa serik

Kaendahane cakepan tembang macapat pupuh Kinanthi ing ndhuwur kasengkuyung dening panganggone purwakanthi lumaksita yaiku tinemu ing gatra ....

A. gatra 1 lan gatra 2

B. gatra 3 lan gatra 4

C. gatra 4 lan gatra 5

D. gatra 2 lan gatra 6

E. gatra 3 lan gatra 5

15.   eklasna aku lunga biyung,

sanadyan ing ndhuwur langite katon mendhung,

eklasna aku lunga

lungaku sangu ati lapis waja,

..............................................

Isine geguritan ing ndhuwur yaiku ....

A. wis ora kuwat maneh amarga lara.

B. bocah enom kang bingung arep lunga.

C. pamit arep budhal sekolah.

D. pamit arep golek pakaryan.

E. rasa sedhih ninggalake wong tuwa.

16.  Sing dikarepake pengimajinasian sajroning struktur teks geguritan uaiku  ....

A. mbaleni swara (vokal), mbaleni tembung

B. milih tembung ing geguritan bisa nuwuhake khayalan

C. mbaleni kelompok tembung (frasa) utawa mbaleni ukara

D. milih tembung-tembung ing geguritan kang nduweni teges entar

E. milih tembung kang digunakake panggurit kanggo nyritakake sawijining bab kanthi cara mbandhingake karo barang utawa tembung liyani

17.“Nyenyandhang manganggo iku dadya sarana memangun manungsa njaba njero, marmane pantesen panganggonira, trepna pangetrepaning panganggon, cundhukna kalawan kahananing badanira, kalungguhan miwah pepangkatanira”

Mangkono  pangandikane  saka  ....

A. Yasadipura I

A. K.G.P.A.A. Pakualam V

C. I.S.K.S. Paku Buwana IX

D. K.G.P.A.A. Mangkunegara IV

E. Sultan Hamengku Buwana X

18.  Piranti kanggo nyingseti tumempleke jarik ana awak supaya ora mlorot lan udhar yaiku ....

A. epek timang

B. setagen

C. udheng

D. samir

E. dhuwung

19. Perangan busana adat Jawa kang mralambangake manawa titah manungsa kudu ngrasuk agama lan tansah manembah marang Gusti kang mahaagung yaiku ...

A. udheng

B. samir

C. keris

D. sabuk

E. klambi

20.          Eksposisi mujudake sawijining teks kang nyritakake analisa proses nganggo cara narasi kanggo aweh informasi lan njembarake pangertene wong sing maca. Dene struktur teks eksposisi kanthi urut yaiku .....

A. argumentasi - penegasan ulang - tesis

B. argumentasi - tesis - penegasan ulang

C. penegasan ulang - tesis - argumentasi

D. tesis - argumentasi - penegasan ulang

E. tesis - penegasan ulang - argumentasi

21. Gamelan minangka salah sawijining warisan leluhur  kang kawentar nganti tekan mancanegara. Wong kang nabuh gamelan diarani ....

A. niyaga                                                              D. wiraswara

B. sindhen                                                                        E. penyimping

C. dhalang

22.  Aksara swara iku cacahe ana ....

A. papat                                                                D. pitu

B. lima                                                                  E. wolu

C. enem

23.   Gunane aksara swara kanggo nulis ....

A. gelar pangkat                                                    D. jeneng instansi utawa lembaga

B. jeneng papan panggonan                                              E. tembung basa manca sing kacethake

C. jeneng minangka pakurmatan

24.Ana ing Serat Tripama pada kapisan diandharake lelabuhane patih Suwanda kang diringkes dadi siji  yaiku guna, kaya lan purun.

Tembung guna tegese ....

A. sugih                                                                D. kaprigelan

B. tekad                                                                E. kapinteran

C. gelem

25.          Kumbakarno gugur ngrungkepi bumi wutah getihe yaiku negara ...

 A. Ayodya                                                                       D. Manggada

 B. Alengka                                                           E. Pancawati

 C. Maespati

26.  Angkara murkane Dasamuka bisa dikalahake dening Prabu Rama.

Unen-unen kang trep kanggo nggambarake bab kasebut yaiku ....

A. becik ketitik ala ketara                                     D. pelik-pelik kadang konang

B. ngundang siyunge bathara kala                                    E. maju tatu mundur ajur

C. sudira jayaningrat lebur dening pangastuti

27. Wewaler iku kalamangsane isine pancen ora bisa ketemu nalar, ananging pranyata akeh sing ngemot pitutur sinandi. Mula jroning nampa wewaler prayogane ....

A. ditampa wantah apa anane.

B. ditindakake amarga wis dadi adat tradisine

C. ora usah digugu amarga ora ana mumpangate

D. dipercaya apa anane amarga wis turun temurun ditindakake

E. disurasa sebabe dene sawijining tumindak ora kena ditindakake

28. Ing ngisor iki kang ora kalebu wewaler yaiku ...,

A. kesuwen ana njedhing                                      D. ngalih nggon nalika pinuju mangan

B. lungguh ing tengah lawang                               E. mangan ndhisiki wong tuwa

C. mangan nganggo tangan tengen

29.           Wujude pada adeg-adeg yaiku ....

 A. ....                                                                  D. ?...

 B. ...,                                                                  E.  ...\

 C.  ;...

30. Pada kang digunakake kanggo mratelakake sopan santun ing sajroning nulis layang, tembang utawa geguritan yaiku ...

A. pada adeg-adeg                                                            D. pada lingsa

B. pada lungsi                                                       E. pada pangkat

C. pada gedhe

B.       Wangsulana pitakon-pitakon ing ngisor iki kanthi pratitis !

31. Temokna unsure 5 W + 1 H saka pawarta ing ngisor iki !

   Nonton Bareng Semifinal Bal-Balan Piala Dunia 2014

               Karang Taruna Desa Sumberejo ing dina kemis tanggal 10 Juli kepungkur nggelar acara nonton bareng Semifinal Bal-Balan Piala Dunia 2014 Argentina ngadhepi Belanda kang digiyarake TV swasta nasional. Acara iki sengaja diadani ing plataran Balai Desa Sumberejo kanthi ancas supaya akeh warga sing bisa melu nonton. Dene panitia sing akeh-akehe para nom-noman wiwit sore is nyiapake piranti kang dibutuhake yaiku masang LCD lan menthang kain putih kang ambane telung meter nggunakake pring. Hariyadi Ketua Karang Taruna Desa Sumberejo nelakake menawa acara iki diadani kanggo njaga karukunane warga Desa Sumberejo lan nyaranani supaya warga kang seneng nonton bal-balan bisa marem anggone ndhukung tim unggulane.           

32. Gancarna cakepan tembang macapat pupuh Pocung ing Serat Wedhatama iki !

Lila lamun kelangan nora gegetun,

trima yen kataman,

sakserik sameng dumadi,

trilegawa nalangsa srahing Batara.

33.  Sebut lan njlentrehna methode kang bisa digunakake nalika sesorah !

34.  Apa bedane geguritan gagrag lawas  karo geguritan gagrag anyar ?

35.  Sebutna 5 bae arane gamelan Jawa lan njlentrehna kepriye carane nabuh gamelam kasebut !

36.  Sapa bae satriya telu sing pantes tinuladha ing serat Tripama ? Sebut lan njlentrehna ana ngendi papan dununge sarta lelabuhane satriya kasebut !

37.  Temtokna nilai-nilai kang kamot jroning wewaler  “Aja sok nampani nganggo tangan kiwa, mundhak ngedhe” !