UNSUR KEBAHASAAN : TEMBUNG GARBA & PURWAKANTHI

UNSUR KEBAHASAAN

( TEMBUNG GARBA & PURWAKANTHI )

    Unsur kebahasaan sajroning teks Serat Wedhatama pupuh Pangkur.

       Tembang macapat ing Serat Wedhatama iku saliyane mawa paugeran uga nggunakake basa rinengga satemah kepenak ditembangake apadene dirungokake. Basa rinengga kuwi basa kang digawe endah. Dene endahing basa kasebut ing antarane bisa katitik saka:

1. Panganggone tembung garba ing rakiting ukara. Tembung garba yaiku tembung loro utawa luwih kang didadekake siji kanthi ngurangi cacahe wanda. Tembung garba ing tembang, kajaba ndadekake suapaya endah uga kanggo ngepasake cacahing wanda ing saben gatra. Tembung kang kena digarba (didadekake  siji) iku mung tembung-tembung kang pungkasane aksara swara (huruf vokal) karo  tembung kang wewatone nggarba. Ing antarane kaya tuladha iki :

1).  a + a             a,         tuladha:            sedya  +  arsa                          sedyarsa

2).  a + i              e,         tuladha: suka   +  ing                           sukeng

3).  a + o             o,         tuladha: lunga  +  oncat                                   lungoncat

4).  a + u             o,         tuladha: nara    +  utama                       narotama

5).  i +  i             i,          tuladha: siti      +  inggil                        sitinggil

6).  i +  a                         ya,       tuladha: lagi     +  antuk                       lagyantuk

7).  u +  a            wa,       tuladha: ratu    +  aji                            ratwaji

8).  u +  i            we,       tuladha: tumuju            +  ing                           tumujweng

2.  Panganggone purwakanthi (persajakan / permainan bunyi / rima).

Purwakanthi kaperang dadi telu, yaiku :

1). Purwakanthi guru swara (asonansi), yaiku purwakanthi sing disebabake ananing unsur vokal kang padha. Tuladha : Angkara gung neng angga anggung gumulung. Purwakanthi swara tinemu ing tembung: Gung .... anggung gumulung                ung.

2). Purwakanthi guru sastra (aliterasi), yaiku purwakanthi sing disebabake ananing unsur konsonan sing padha.  Tuladha : Mingkar-mingkuring angkara. Purwakanthi sastra tinemu ing tembung: Mingkar-mingkuring angkara                                  k

3). Purwakanthi guru basa (lumaksita), yaiku swara tembung pungkasan gatra utawa tengah gatra dibaleni tembung sabacute utawa wiwit gatra sabacute.  Tuladha : tembung pungkasan gatra dibaleni wiwit gatra) :
“Sapantuk wahyuning Allah, gya dumilah mangulah ngelmu bangkit, bangkit bangkit mikat reh mangukut, kukutaning jiwangga. ................................”